დაიჰაკა და გაითიშა 15 ათასი ვებგვერდი
პროსერვისის ინფორმაციით, 28 ოქტომბერს 15 ათასი ვებგვერდი გაითიშა. ბოლო ინფორმაციით კიბერთავდასხმა ამ დრომდე მოგერიებული არ არის. “20:00 საათის მდგომარეობით აღდგენილია კომპანიის კუთვნილ სერვერებზე განთავსებული ვებგვერდების 50%-ზე მეტი”, — განმარტავენ პროსერვისში. სხვადასხვა ქართულ ვებგვერდზე უნებართვო შეღწევისა და მონაცემების უნებართვო შეცვლის ფაქტზე გამოძიება სისხლის სამართლის კოდექსის 284-ე მუხლის პირველი ნაწილით და 286-ე მუხლის პირველი ნაწილით მიმდინარეობს.
iOS-ს 398 ახალი ემოჯი დაემატა
iOS 13.2-ს ახალი ემოჯიები დაემატა. 28 ოქტომბრის განახლება 398 ახალ ემოჯის მოიცავს: გენდერულად ნეიტრალური ემოჯიები და კანის ფერის არჩევის ახალი ფუნქციები, შშმ პირების გამოსახულებები და მეტი ქალის ემოჯი. სულ რამდენიმე თვის წინ, ემოჯიების დღესთან დაკავშირებით ასევე დაემატა რამდენიმე ახალი ცხოველიც, მაგალითად, ფლამინგო, ზარმაცა, სკუნსი, ორანგუტანი და წავი, დამხმარე ძაღლის, ეტლის, ხელის და ფეხის პროთეზის, უსინათლო […]
Facebook ახალი ამბების ფუნქციას ტესტავს
სოციალურ ქსელში Facebook მობილური აპლიკაციის ახალი ფუნქციის, Facebook News-ის ტესტირება დაიწყო. ტესტირება ამ ეტაპზე მხოლოდ აშშ-ში მიმდინარეობს. წინასწარი ინფორმაციით, ტესტირების დასრულების შემდეგ, როდესაც ახალი ამბების განყოფილება სრულად ამუშავდება, იქნება რამდენიმე კატეგორია: კულტურა, ბიზნესი, ტექნოლოგიები და ა.შ როგორც კომპანიაში აცხადებენ, მათი მიზანია ამ გზით სოციალური ქსელის მომხმარებლებს სწორი და სანდო ინფორმაცია მიაწოდონ.
Xiaomi-მ ჭკვიანი საათი დააანონსა
ჩინურმა გიგანტმა კომპანია Xiaomi-მ ახალი პროდუქტის – ჭკვიანი საათის გამოშვების შესახებ განცხადება გაავრცელა. ჭკვიანი საათის სავარაუდო სახელი იქნება Mi Watch. კომპანია 5 ნოემბერს ღონისძიებას გამართავს, სადაც Mi Watch-თან დაკავშირებით უფრო დელატულ ინფორმაციას გააცნობს დაინტერესებულ პირებს. სწორედ 5 ნოემბერს გახდება ცნობილი Mi Watch-ის გამოსვლის თარიღი და ფასი.
Apple AirPods Pro
Apple-მა AirPods Pro წარმოადგინა, რომელსაც აქტიური ხმაურის დახშობა შეუძლია. გაყიდვაში სიახლე 2019 წლის ნოემბრიდან შემოვა და მისი ოფიციალური ფასია 250$. რამდენად ძვირი იქნება ის საქართველოში ჯერ-ჯერობით უცნობია. ხმაურის ჩახშობის რეჟიმსა და “გამჭვირვალე რეჟიმს” შორის გადართვა ყურსასმენის სენსორზე შეხებით არის შესაძლებელი. “გამჭვირვალე რეჟიმში” მომხმარებელს შეუძლია გარემოს ხმაურში მნიშვნელოვანი ხმების გარჩევა. კომპლექტაციაში შედის სამი წყვილი სილიკონის ყურსაცვამი, […]