ჰუავეი ჩინეთში მილიონობით 5G სმარტფონის გაყიდვას გეგმავს

ჩინური გიგანტი ჰუავეი 2020 წელს, მხოლოდ ჩინეთში, 100 მილიონი 5G სმარტფონის გაყიდვას გეგმავს. Taiyo Yuden Co-ს აღმასრულებელი დირექტორი შიოიჩი ტოსაკა აცხადებს, რომ 5G სადგურების დიდი შეკვეთა უკვე მიღებული აქვთ. ტოსაკა ვარაუდობს, რომ მთავარი დამკვეთები Huawei და ZTE იქნებიან.

ასევე, შეგახსენებთ, რომ ჩინეთში უკვე დამონტაჟებულია 5G-ს 85 ათასი სადგური. შესაბამისად, შეიძლება ითქვას, რომ ქვეყნის მეხუთე თაობაზე გადაყვანა საკმაოდ სწრაფი ტემპით მიმდინარეობს.