უახლესი ინფორმაციით, Zoom-ში კრიტიკული ხარვეზი აღმოაჩინეს, რომელიც Windows-ის მომხმარებლებისთის შეიძლება სერიოზულ პრობლემად იქცეს. როგორც სხვადასხვა მედია გამოცემები იტყობინებიან, Zoom-ის ხარვეზი ჰაკერებს Windows-ის ანგარიშის გატეხვის საშუალებას აძლევს.
“ზუმის ჩატის მეშვეობით გაგზავნილი ვინდოუსის UNC მისამართები ჰიპერლინკებად გარდაიქმნება. როცა მომხმარებელი UNC მისამართის ბმულს აკლიკებს, ვინდოუსი დაშორებულ საიტთან ინფორმაციის მიმოცვლას საერთო წვდომის პროტოკოლით (SMB) ახორციელებს, რა დროსაც სისტემა მომხმარებლის სახელს და პაროლს ჰეშირებულ მდგომარეობაში აგზავნის. ამის შემდეგ პაროლის დე-ჰეშირება ჰაკერისთვის მხოლოდ დროის საკითხია.” – წერს on.ge მომხდართან დაკავშირებით.
