ყოველწლიურად Yahoo! Finance გამოკითხავს თავის მომხმარებლებს და ირჩევს წლის ყველაზე ცუდ კომპანიას. 2021 წელს ასეთი გახდა მეტა.
გამოკითხვაში მონაწილეობა 1541 მომხმარებელმა მიიღო. მეტამ ხმების 8% მიიღო. მეორე ადგილზე Alibaba გავიდა.
როგორც მიზეზებს, რის გამოც მათ არ მოსწონთ მეტა, მკითხველებმა ხაზგასმით აღნიშნეს რამდენიმე ძირითადი საკითხი, რომელთა წინაშეც ფეისბუქი და ინსტაგრამი 2021 წელს წააწყდნენ:
- ცენზურა ან „სიტყვის თავისუფლების პოლიცია“ უსამართლოა. მომხმარებლები თვლიან, რომ მათ აქვთ უფლება ისაუბრონ ყველაფერზე
- ბოტები, რომლებიც თავიდანვე ხელს უშლიდნენ ადამიანებს კორონავირუსის სერიოზულად აღქმაში
- ინსტაგრამის გავლენა ბავშვების ფსიქიკაზე
ასევე, მომხმარებელთა დიდმა ნაწილმა ფეისბუქის მეტას სახელის გადარქმევა იმიჯის შეცვლის „ცინიკურ“ მცდელობად მიიჩნია.
მეტას კვლევის შედეგებზე კომენტარი არ გაუკეთებია.