მაიკროსოფტმა რუსეთის მთლიანად დატოვებაზე უარი თქვა

მაიკროსოფტის პრეზიდენტმა ბრედ სმიტმა თქვა, რომ კომპანია არ გეგმავს მთლიანად დატოვოს რუსეთი.

კორპორაცია გააგრძელებს თანამშრომლობას იმ კლიენტებთან, რომლებსაც სანქციები არ ექვემდებარება. ეს განსაკუთრებით ეხება სკოლებსა და საავადმყოფოებს.

ამ დაწესებულებების პროგრამული უზრუნველყოფის განახლებებისა და სერვისების ჩამორთმევამ შეიძლება საფრთხე შეუქმნას უდანაშაულო მოქალაქეების ჯანმრთელობას და უსაფრთხოებას, მათ შორის ბავშვებსა და მოხუცებს.

პარალელურად, Microsoft განიხილავს შეერთებული შტატების, დიდი ბრიტანეთის და ევროკავშირის მთავრობებთან რუსეთში ზოგიერთი სერვისის მხარდაჭერის შეწყვეტის საკითხს.

იმავე აზრზეა SAP. კომპანია მიესალმება ახალ სანქციებს, მაგრამ მხარს უჭერს ძირითად კლიენტებს რუსეთში, მათ შორის საავადმყოფოებს, სამოქალაქო ინფრასტრუქტურას და საკვების მიწოდების ქსელის ორგანიზატორებს.