მშობლებმა უჩივლეს OpenAI-სა და სემ ალტმანს იმის გამო, რომ ChatGPT-მ მათ შვილს სუიციდის გზები „აჩვენა“

მოზარდმა სიცოცხლე თვითმკვლელობით დაასრულა 2025 წლის გაზაფხულზე.

• მეთი და მარია რეინები მიიჩნევენ, რომ ჩატ-ბოტმა „არ გაააქტიურა გადაუდებელი დახმარების პროტოკოლი“, მიუხედავად იმისა, რომ მათმა 16 წლის ვაჟმა, ადამმა, „აღიარა“ მასთან, რომ სურდა სიცოცხლის დასრულება „უახლოეს დღეებში“. მათ სარჩელი შეიტანეს OpenAI-სა და მის გენერალურ დირექტორზე კალიფორნიის უზენაეს სასამართლოში.

• მოზარდს ჰქონდა ChatGPT-ის ფასიანი ხელმოწერა. თავდაპირველად ის GPT-4o-ს მხოლოდ საშინაო დავალების შესასრულებლად იყენებდა, მაგრამ 2025 წლის გაზაფხულისთვის მოდელმა „სრულად“ ჩაანაცვლა მას ადამიანებთან ურთიერთობა. ახალგაზრდა ბოტს უწერდა თავის შემაშფოთებელ ფიქრებსა და ოჯახურ პრობლემებზე.
• შემდეგ მან დაიწყო კითხვების დასმა თვითმკვლელობის გზებზე. ChatGPT უარს ამბობდა პასუხის გაცემაზე და სთავაზობდა სპეციალისტებთან დაკავშირებას ან დახმარების ხაზზე დარეკვას. ადამმა გვერდი აუარა ამ შეზღუდვებს, თქვა რა, რომ ეს მისი მხატვრული მოთხრობისთვის იყო საჭირო.
• სიკვდილამდე რამდენიმე საათით ადრე მან ბოტს გაუგზავნა თვითმკვლელობის გეგმის სქემა და ჰკითხა ChatGPT-ს, იმუშავებდა თუ არა ეს. ჩატ-ბოტმა შესთავაზა მეთოდის „გაუმჯობესებაში“ დახმარება, ნათქვამია მშობლების სარჩელში. როდესაც ადამმა აღიარა, რომ გეგმა თავისთვის მოიფიქრა, ბოტმა დაწერა: „მადლობა, რომ მითხარი ამის შესახებ“, მაგრამ დახმარების თხოვნა არ შესთავაზა.
• OpenAI-მ განაცხადა, რომ შეისწავლის ვარიანტებს, რომლებიც ChatGPT-ს საშუალებას მისცემს გაგზავნოს შეტყობინებები ან დარეკოს შენახულ კონტაქტებთან, თუ მომხმარებელს საფრთხე ემუქრება. ის ასევე გეგმავს მშობლის კონტროლის ფუნქციის დამატებას.

#ახალიამბები #openai