Intel-მა Linux-ის მეტი დეველოპერის აყვანა დაიწყო, მათ შორის GPU დრაივერებისა და Linux-ის სათამაშო სტეკის შესაქმნელად
კომპანია Intel გასული წლის შემცირებების შემდეგ ასაქმებს თანამშრომლებს ახალ პოზიციებზე, რომლებიც დაკავშირებულია Linux-ის პროგრამული უზრუნველყოფის შემუშავებასთან. ეს მოიცავს გრაფიკული დრაივერების სტეკის გაუმჯობესებასა და გეიმინგის განვითარებას ისეთი თავსებადობის ინსტრუმენტების გამოყენებით, როგორიცაა Valve-ის Proton და Wine, წერს Phoronix-ი.
Intel-მა ინჟინრებისთვის ექვსი ახალი ვაკანსია გამოაქვეყნა, რომელთაგან სამი განკუთვნილია გრაფიკული პროცესორების პროგრამული უზრუნველყოფის დეველოპერებისთვის. ვაკანსიები მეტწილად მსგავსია და გულისხმობს მუშაობას Linux-ის გარემოში Intel-ის ვიდეობარათების მხარდაჭერაზე. კანდიდატებს უნდა ჰქონდეთ Linux-ის გრაფიკულ სტეკთან, Mesa 3D პროექტთან და Linux-ის ბირთვის (kernel) DRM დრაივერებთან მუშაობის გამოცდილება.
Intel ასევე ქირაობს შუალედური პროგრამული უზრუნველყოფის (middleware) შემუშავების უფროს ინჟინერს Intel MPICH-სა და სხვა მაღალმწარმოებლურ გამოთვლებზე (HPC) ორიენტირებულ პროექტებზე სამუშაოდ, კერძოდ კი სუპერკომპიუტერ Aurora-სთვის.
დაბოლოს, Intel ეძებს ღრუბლოვანი პროგრამული უზრუნველყოფის შემუშავების უფროს ინჟინერს მონაცემთა ცენტრებში Intel-ის პროცესორებსა და გრაფიკულ პროცესორებთან მუშაობისთვის. კანდიდატებს უნდა ჰქონდეთ Linux-თან და C/C++-თან მუშაობის გამოცდილება, ასევე პარალელური პროგრამირებისა და სხვა სპეციალიზებული უნარები, იუწყება Phoronix-ი.
გაზიარება:
დაკავშირებული პოსტები
Nvidia 5 მილიარდ აშშ დოლარს ჩადებს Intel-ში, რათა ერთობლივად შეიმუშაოს ჩიპები კომპიუტერებისა და მონაცემთა ცენტრებისთვის
Intel-ის ოჰაიოს ქარხნის მშენებლობა შეფერხდა
Thunderbolt 5 – ახალი სტანდარტის მონაცემები
Intel-ის პროცესორები ისე ცუდად იყიდება, რომ კომპანიამ აღმასრულებელი დირექტორის ხელფასი 25%-ით შეამცირა.
Intel-მა გამოუშვა მსოფლიოში პირველი 6GHz პროცესორი
