2018-2019 წლის ათასწლეულის ინოვაციის კონკურსში მეორე ადგილზე გასული გუნდი Motion 28 ივლისიდან 2 აგვისტოს ჩათვლით კალიფორნიაში iD Tech Camps-ის რობოტიკის ბანაკში იმყოფებოდა – ამის შესახებ ინფორმაციას ათასწლეულის გამოწვევის ფონდი – საქართველო | MCA – Georgia და ტექნოპარკი საქართველო • Tech Park Georgia ავრცელებს.
გუნდმა Motion აღნიშნულ ბანაკში მონაწილეობა საქართველოს ინოვაციების და ტექნოლოგიების სააგენტო / GITA-ს მხარდაჭერით შეძლო. შეგახსენებთ, რომ ათასწლეულის ინოვაციის კონკურსი 2014 წლიდან ხორციელდება ათასწლეულის გამოწვევის ფონდის მიერ აშშ-ის საელჩოს (US Embassy Tbilisi, Georgia) ფინანსური მხარდაჭერით და განათლების, მეცნიერების, კულტურისა და სპორტის სამინისტროსთან თანამშრომლობით.
