TechCrunch-ის ინფორმაციით, Instagram-ის მსგავსად, მოწონებების დამალვის ფუნქცია შესაძლოა Facebook-საც დაემატოს. ახალი ფუნქციით, გამოქვეყნებულ პოსტზე მოწონებების რაოდენობა არ გამოჩნდება. ამისდა მიუხედავად, მომწონებელთა ვინაობა მომხმარებლებისთვის ხილვადი იქნება.
შეგახსენებთ, რომ 30 აპრილს Facebook-ის კუთვნილმა ფოტო-აპლიკაციამ სან-ხოსეში გამართულ კონფერენციაზე განცხადება გაავრცელა, რომ ის კანადაში კვირის ბოლოს აპირებს ინსტაგრამ-ცდის ჩატარებას, რომლის დროსაც პლატფორმაზე დადებულ ფოტოებსა თუ ვიდეოებზე მოწონებები სრულად დაიმალება.
