რუსეთში ხელისუფლების შეურაცხყოფა აიკრძალება
რუსეთის პარლამენტმა ახალი კანონპროექტი დაამტკიცა. კანონპროექტი ითვალისწინებს იმ ადამიანების დაჯარიმებას, ან დაპატიმრებას, რომლებიც ინტენტეში რუსეთის ხელისუფლებას შეურაცხყოფენ.ინტერნეტში განთავსებული პოსტებისთვის, რომლებიც “საზოგადოების, ქვეყნის, რუსეთის, ოფიციალური სიმბოლოების, კონსტიტუციის და ხელისუფლებისადმი უპატივცემულობას” შეიცავს, პირს შეიძლება 1000 რუბლამდე ჯარიმა დაეკისროს, იგივეს განმეორების შემთხვევაში კი 15 დღიანი პატიმრობა მიესაჯოს.
ევროპული სტარტაპების უმეტესობა ხელოვნურ ინტელექტთან დაკავშირებით იტყუება
ევროპული სტარტაპების თითქმის ნახევარი, რომელიც ამტკიცებს რომ ხელოვნურ ინტელექტს იყენებს, სინამდვილეში ცრუობს – ამას ახალი კვლევა ცხადყოფს. როგორც კვლევაში წერია, გამოკვლეული სტარტაპების 40%-ში ვერანაირი კვალი ვერ აღმოაჩინეს ხელოვნური ინტელექტისა. მიზეზი, თუ რატომ შეიძლება სტარტაპები სიცრუეს ამბობდნენ ხელოვნური ინტელექტის გამოყენების შესახებ არის ის, რომ ინვესტორებისთვის უფრო საინტერესო და მომგებიან კომპანიად წარმოჩინდნენ.
“სამეცნიერო კვლევების მნიშვნელობა ინოვაციებში” – 15 მარტი
შავი ზღვის საერთაშორისო უნივერსიტეტის კვლევებისა და ინოვაციების ჰაბში 15 მარტს 14:00 საათზე ჩატარდება ლექცია თემაზე: “სამეცნიერო კვლევების მნიშვნელობა ინოვაციებში”.ლექციაზე მოწვეული სტუმარი იქნება ილიას უნივერსიტეტის კომპიუტერული და ელექტრული ინჟინერიის პროფესორი და აკრედიტაციის ექსპერტი ნანა დიხამინჯია. ლექციაზე დასწრება თავისუფალია.
Google 8 მარტს აღნიშნავს
ერთ-ერთი ყველაზე პოპულარული კომპიუტერული ძებნის პროგრამა მთელ მსოფლიოში Google ქალთა საერთაშორისო დღეს ახალი ვიზუალით ეხმიანება, სადაც Google-ის ნიშანის გარშემო სიტყვა “ქალი” სხვადასხვა ენაზე წერია. 8 მარტი ქალთა ეკონომიკური, პოლიტიკური და სოციალური მიღწევების აღნიშვნის გლობალური დღესასწაულია. 1975 წელს გაერომ ოფიციალურად აღიარა 8 მარტი ქალთა საერთაშორისო დღედ.
Google-მა .Dev დომენი აამოქმედა
პროგრამული უზრუნველყოფის მიმართულებით მუშაობთ, Google-მა ახლახანს .dev დომენი აამოქმედა. ინფორმაციას Cnet-ი ავრცელებს. ამ დროისთვის დომენის ყოველწლიური ღირებულება 10 000 დოლარიდან 12-14 დოლარამდე შემცირდა. სამომავლოდ დეველოპერებისთვის შექმნილი .dev დომენი მონაცემთა დაშიფრვის სიმეტრიული ალგორითმით (DES) იქნება დაშიფრული.
Adobe illustrator-ის ტრენინგი ილიაუნის სტუდენტებისათვის
“წარმოგიდგენიათ, როგორი იქნებოდა ტესლას მანქანა, კოსმოსური ხომალდი ან თუნდაც ის კომპიუტერი/ტელეფონი/პლანშეტი, რომლის ეკრანზეც ამ ტექსტს კითხულობთ, რომ არა გრაფიკული დიზაინი?” ფაბლაბ ილიაუნი 25 მარტიდან იწყებს Аdobe illustrator-ის ტრენინგს ილიაუნის სტუდენტებისთვის. სააპლიკაციო ფორმა – https://goo.gl/forms/KdBdEs93ApSje4b22 პროექტში მონაწილეობა შეუძლია 30 ადამიანს, ამიტომ ადგილები შეზღუდულია.
შშმ პირების სათამაშოები ევროპასა და ამერიკაში იყიდება
არქიტექტორი მერაბ კუჭუხიძე სათამაშოების წარმოების მიმართულებით მუშაობს. 2018 წლიდან მან საკუთარ ბიზნესში შშმ პირები დაასაქმა. დღეის მონაცმებით კი შშმ პირთა ჩართულობით შექმნილი სათამაშოები ევროპისა და ამერიკის ბაზრებზე იყიდება. საწარმოს „დადარი“ ქვია, ის ხის ხელნაკეთ და ეკოლოგიურად სუფთა სათამაშოებს თბილისის ზღვის პლაზაში ქმნის. მომხმარებელს პროდუქტის შეძენა ადგილზე, ან მიტანის სერვისის გამოყენებით შეუძლიათ.
დრონის მართვა გონებით შესაძლებელი გახდება
კომპანია EEGSmart-მა შექმნა ბიო-ელექტრული, ხელოვნური ინტელექტის მქონე მოწყობილობა. მოწყობილობა დრონის გონებით მართვის შესაძლებლობას მოგცემთ. დრონს აქვს მოძრაობის სენსორები, რომელიც თქვენი თავის მოძრაობაზე რეაგირებენ. აქამდე, დრონის მართვისთვის, ძირითადად, სმარტფონებს ვიყენებდით. ეს პირველი შემთხვევაა, როდესაც საქმე მსგავსი ტიპის ინოვაციურ გამოგონებასთან გვაქვს.
Apple დაკეცვადი მინის შექმნაზე მუშაობს
Apple-სთვის მინების მთავარი მიმწოდებელი ამჟამად კომპანია Corning-ია. კომპანიის მიერ დამზადებულ მინებს Apple Iphone-ებისთვის იყენებს. გავრცელებული ინფორმაციის თანახმად, Corning დაკეცვადი მინის შექმნაზე მუშაობს, რომელიც მომავალი ორი წლის განმავლობაში იქნება მზად. კომპანია ამ დროისთვის ქმნის და აწარმოებს დრეკად მინებს, თუმცა მთავარი გამოწვევა მისი ელექტრონულ მოწყობილობებზე გამოყენებაა.
TTM Group-ს დახმარება ესაჭიროება
საქართველოს უნივერსიტეტის ინოვაციების ცენტრ UG Startup Factory-ს ერთ- ერთ სტარტაპს TTM Group-ს დახმარება ესაჭიროება. ჯგუფმა ქ. თბილისის მერიის მიერ გამოცხადებულ პროექტში „შენი იდეა ქალაქის მერს“, განხილვაზე გააზავნა საგზაო უსაფრთხოებისთვის განკუთვნილი პროექტი. პროექტის შემდეგ ეტაპზე გადასასვლელად საჭიროა თბილისში რეგისტრირებული 2500 მოქალაქის მიერ პროექტისთვის ხმის მიცემა. პროექტის შესახებ დამატებითი ინფორმაცია: https://idea.tbilisi.gov.ge/idea-details/6243