კიბერთავდასხმა ავსტრალიის მთავრობაზე
ავსტრალიაში მთავრობასა და სხვადასხვა პარტიებზე კიბერთავდასხმა განხორციელდა. როგორც ავსტრალიის პრემიერ მინისტრი ამბობს, ადგილი ჰქონდა პოლიტიკური მიზეზით კიბერთავდასხმას. პრემიერ მინისტრის თქმით, ავსტრალიში მნიშვნელოვანი პერიოდია, რადგან სულ 1 თვეში არჩევნებია დაგეგმილი. ამ დროისთვის უცნობია რომელი ქვეყნიდან მოხდა კიბერთავდასხმა.
ინდოეთის მთავრობა თავისუფალი ინტერნეტ სივრცის წინააღმდეგ
ინდოეთის მთავრობამ, ჩინეთის მსგავსად, გადაწყვიტა, ინტერნეტ სივრცეში შეზღუდვები დააწესოს. ინდოეთის მთავრობის ინიციატივით, მათ უფლება უნდა ჰქონდეთ Facebook-ს, Google-ს, Twitter-სა და სხვა კომპანიებს იმ კონტენტის წაშლა მოთხოვონ, რომელიც მიუღებელი და შეუსაბამო იქნება, მთავრობის აზრით. სამოქალაქო საზოგადოება ამ თემას აქტიურად აკრიტიკებს და ამბობს რომ ეს პირადი თავისუფლების საკითხია.
IT გადამზადების კურსის ფინალური ეტაპი ტექნოპარკში
18 თებერვალს IT გადამზადების კურსის ფინალური ეტაპი ტექნოპარკში გაიმართა. როგორც საქართველოს ინოვაციებისა და ტექნოლოგიების სააგენტო წერს, პროექტის მიზანია გადამზადებულებისა და რეგიონალური მეწარმეების დაკავშირება დაკვეთების მიღებისა და საერთო პროექტების განხორციელების მიზნით. შეგახსენებთ, თბილისსა და საქართველოს ათი რეგიონის ინოვაციების ცენტრებსა და ტექნოპარკებში ინოვაციების და ტექნოლოგიების სააგენტომ და ჯეოლაბმა Front End Development-ის კურსი ჩაატარეს.
“მაგთის” მომხმარებლებს ნომრის მომსახურების გადასახადის გადახდა მოუწევთ
18 თებერვლიდან, “მაგთის” მომხმარებლებს ნომრის მომსახურების გადასახადის გადახდა მოუწევთ. გადასახადის გადახდა მომხმარებლებს ყოველ 180 დღეში ერთხელ მოუწევთ, 1 ლარის სახით. ამ ცვლილებებს “მაგთი” აქამდეც აანონსებდა, თუმცა, როგორც კომისიების მარეგულირებელი კომპანია აცხადებდა, მომსახურების გაძვირების პროცესის შეჩერება იყო საჭირო: “კომისიისგადაწყვეტილებით, „მაგთიკომს“ პაკეტების ღირებულების გაზრდა მობილური საცალო ხმოვანი მომსახურებისა და მცირე ოპერატორების აბონენტთან დიდი ოპერატორების აბონენტებისგანგანსხვავებული ტარიფით დაკავშირების ნაწილში შეუჩერდა, კერძოდ, კომპანიას დაევალა, რომ დღეს არსებული 25-ლარიანი ულიმიტო პაკეტი კვლავ დატოვოს ძალაში”
Twitter-ი თქვენს წაშლილ მესიჯებს წლობით ინახავს
როგორ უსაფრთხოების მკვლევარი ქერენ სეინი TechCrunch-თან საუბარში ამბობს, მან დაადგინა რომ Twitter-ი წლობით ინახავს მომხმარებლების წარსულში გაგზავნილ და წაშლილ direct message-ებს. მისი თქმით, არც იმას აქვს მნიშვნელობა თუ ეს შეტყობინებები აწ უკვე გაუქმებული პროფილიდან არის გამოგზავნილი. თვითონ Twitter-ში, როგორც ამას ამ დრომდე აცხადებდნენ, ეს შეტყობინებები ბოლომდე იშლებოდა, თუმცა, როგორც აღმოჩნდა, ეს ასე არ არის.
Rooms-ში მცირე და საშუალო ბიზნესის მხარდასაჭერი პროგრამის პრეზენტაცია გაიმართა
სასტუმროში “რუმს თბილისი” „ევროკავშირთან ასოცირების ხელშეკრულება ქართული მცირე და საშუალო ბიზნესის გასაძლიერებლად“ პრეზენტაცია გაიმართა. პროექტი სააგენტოს „აწარმოე საქართველოში“ და „ეკონომიკური პოლიტიკის კვლევის ცენტრის“ (EPRC) თანაორგანიზებით ხორციელდება. მცირე და საშუალო ბიზნესის მხარდაჭერა, ცნობადობის გაზრდა, ახალი შესაძლებლობების მოპოვება – ეს პროექტის მთავარი მიზანია. “პროექტში ჩაერთვება 100 კომპანია, რომლებიც მუშაობენ საინფორმაციო და საკომუნიკაციო ტექნოლოგიების, ბიზნეს კონსალტინგის, ინტერიერის დიზაინის-არქიტეტურის და ორი […]
სატრეინინგო კურსი Python პროგრამირებაში
სამეცნიერო კიბერ უსაფრთხოების ასოციაცია Python პროგრამირებაში სატრეინინგო კურსს იწყებს. ტრეინინგების სერია 19 თებერვლიდან იწყება და ყოველ სამშაბათსა და ხუთშაბათს ჩატარდება 19:00 საათზე. “ტრეინინგის ფარგლებში მსმენელები გაიცნობენ Python დაპროგრამების ენას. შეისწავლიან ამ დაპროგრამების ენის სინტაქსისს და პროგრამირების ლოგიკას. დაპროგრამების ენა Python თავის თავში მოიცავს ობიექტზე ორიენტირებულ, პროცედურულ, ფუნქციონალურ და იმპერატიულ პროგრამირებას.” – ვკითხულობთ ღონისძიების აღწერაში.
Instagram-ს ვებ და მობილური ბრაუზერებისთვის მალე Direct Message დაემატება
Instagram-ის წარმომადგენლის თქმით, კომპანია ახლა მუშაობა მიმდინარეობს Direct Message-ის ფუნქციაზე. როგორც TWITTER-ზე გამოქვეყნბული ინფორმაციით ვიგებთ, ვებ და მობილური ბრაუზერებისთვის მალე Direct Message შესაძლებელი გახდება. ვებისთვის, ზოგადად, ინსტაგრამის ფუნქციები შეზღუდულია,მაგალითად: არ შეგიძლიათ ფოტოს, ან ვიდეოს დადება, მიმოწერა, სთორის ატვირთვა და სხვ. სასიამოვნო სიახლე ვებში მიმოწერის შესახებ, როგორც ვარაუდობენ, შესაძლოა Facebook-ის სამომავლო გეგმებს უკავშირდებოდეს.
Apple იმ აპლიკაციას გამოიკვლევს, რომლითაც კაცები ქალებს აკონტროლებენ
Apple-ის გადაწყვეტილებით, მოხდება იმ აპლიკაციის შესწავლა-გამოკვლევა, რომლითაც საუდის არაბეთში კაცები ქალებს აკონტროლებენ. როგორც Apple-ს აღმასრულებელი დირექტორი, ტიმ კუკი ამბობს, საუბარია Absher app-ზე, რომელის დახმარებითაც საუდის არაბეთში მამაკაცებს ქალების თავისუფლად გადაადგილების კონტროლი და შეზღუდვა შეუძლიათ. აპლიკაცია კაცებს ლაივში აწვდის ქალების მოძრაობის მარშუტს, მათი პასპორტის მოთხოვნისა და ნომრის ჩაწერის შემდეგ.
სიახლე Samsung-ის მოყვარულებისთვის: Galaxy Tab S5e
სიახლე Samsung-ის მოყვარულებისთვის: კომპანიამ ახალი ტაბლეტი გამოუშვა სახელწოდებით Galaxy Tab S5e. მისი მთავარი და ყველაზე საინტერესო მახასიათებელი წონა და ვიზუალია. ტაბლეტი ძალიან თხელია და 400 გრამს იწონის. მისი შეძენა $399 არის შესაძლებელი. Samsung-ი მომხმარებლებს 14.5 საათიან ბატარეის გამძლეობას პირდება. ტაბლეტს მისი პროცესორიც გამოარჩევს: octa-core Snapdragon 670 და, რა თქმა უნდა, მეტალის ძალიან თხელი ე.წ ბოდი.