სილქნეტის განცხადებით, ჯეოსელის პაკეტების გაძვირების პროცესი დროებით ჩერდება. სანამ კომუნიკაციების ეროვნული კომისია ბაზარზე მოკვლევას დაასრულებს, მანამ მოხდება მოქმედი ტარიფების შენარჩუნება.
“მარეგულირებელ კომისიასთან და პირადად მის თავჯდომარესთან სილქნეტის მენეჯმენტის ყოველდღიური კომუნიკაციის შედეგად, კომპანია მივიდა გადაწყვეტილებამდე, რომ 1) დაველდოთ მათ მიერ დაანონსებულ კვლევის შედეგებს 2) კომპანიამ დამოუკიდებლად ჩაატაროს კვლევა უცხოელი ექსპერტების საშუალებით,”-ნათქვამია კომპანიის მიერ გავრცელებულ განცხადებაში.
