Instagram დონაციის მოსაზიდად სტიკერების სერიას ამზადებს
Instagram-ის მიერ გავრცელებული ინფორმაციით ისინი დონაციის მოსაზიდად სპეციალურ სტიკერს ამზადებენ. როგორც ამბობენ, სოციალურ ქსელში სამომავლოდ გამოჩნდება საძიებო ფუნქცია, რომლის მეშვეობით არაკომერციული ორგანიზაციების მოძებნა სტიკერების საშუალებით მარტივად იქნება შესაძლებელი. Instagram-ის წარმომადგენლების აზრით, ეს ფუნქცია საკმაოდ კარგად იმუშავებს სამომავლოდ. როდის მოხდება კონკრეტულად სტიკერების სერიების დამატება, ჯერჯერობით უცნობია.
თიბისის ხმოვანი ასისტენტის პრეზენტაცია 21 თებერვალს გაიმართება
21 თებერვალს, 19:30 საათზე, თბილისის სახელმწიფო კონსერვატორიაში თი ბი სისა და თი ბოტის ორგანიზებით მობაილბანკის ახალი, ინოვაციური ფუნქციის, ხმოვანი ასისტენტის პრეზენტაცია გაიმართება. ახალი ფუნქციის პრეზენტაციაზე თიბისის და Pulsar AI-ის წარმომადგენლები სტუმრებს დეტალურად გააცნობენ ხმოვან ასისტენტს. ამ ფუნქციის საშუალებით შესაძლებელი გახდება მობაილ ბანკიდან თანხის გადარიცხვა ხმოვანი შეტყობინებით.
PechaKucha Night Tbilisi vol. 6 – დრო, ადგილი და სხვა დეტალები
23 თებერვალს, 20:00 საათზე, თბილისში, საქართველოს ინოვაციების და ტექნოლოგიების სააგენტოში ღონისძიება PechaKucha Night Tbilisi vol. 6 ჩატარდება. PechaKucha Night 2003 წლის თებერვალში დაარსდა ტოკიოში და მას შემდეგ გლობალური სახე მიიღო. აქ დიზაინერები, ინოვატორები, ენტერპრენერები ხვდებიან ერთმანეთს და საკუთარ იდეებსა და ხედვებს უზიარებენ საზოგადოებას. ღონისძიება ინგლისურ ენაზე გაიმართება. PechaKucha Night Tbilisi vol. 6 ორგანიზებულია Tbilisi Startup […]
ახალგაზრდებმა B2B სტარტაპი საერთაშორისო ექსპერტებს წარუდგინეს
ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს ორგანიზებით თბილისის სახელმწიფო უნივერსიტეტში ჩატარდა ღონისძიება, რომელმაც ახალგაზრდებს მისცა შესაძლებლობა B2B სტარტაპი წარედგინათ საერთაშორისო ექსპერტებისთვის. ღონისძიების შედეგად შერჩეულ მონაწილეებს საშუალება მიეცათ მოხვედრილიყვნენ ტალინისა და ვილნიუსის ბანაკებში.
ქართული წარმოების ველოსიპედის ყიდვა 2019 წლიდან იქნება შესაძლებელი
Georgian bicycle Group-ი ქართული წარმოების ველოსიპედის გამოშვებას 2019 წლიდან დაიწყებს. ქართული წარმოების ველოსიპედის ფასი 800-დან 2500 ლარამდე იქნება. როგორც კომპანიის ხელმძღვანელი ბექა კიკნაველიძე ამბობს, online პლატფორმის მეშვეობითაც მოხდება ველოსიპედების გაყიდვა, ასევე, შეიქმნება ი საწარმოს, ლაბორატორიის და შოუ-რუმის გაერთიანებული სივრცე. სტარტაპი 2020 წლისთვის ქართული ველოსიპედის ფინეთში, ბელგიასა და თურქეთში გაყიდვას გეგმავს.
Xiaomi Mi 9 – ოფიციალურად წარმოადგინეს
დღეს კომპანია Xiaomi-მ მისი ფლაგმანური სმარტფონი Mi 9 წარმოადგინა. სმარტფონს აქვს 6.39 დიუმიანი AMOLED ეკრანი Full HD+ გარჩევადობით და მას წინა პალენლის 90,7% უკავია. ეკრანის გარშემო სულ მცირე 3,6 მილიმეტრიანი ჩარჩოა. კორპუსის სისქე 7.61 მილიმეტრია. სმარტფონი ძალიან მსუბუქია და 173 გრამს იწონის, რაც მისი მონაცემების მქონე მოწყობილობისთვის ძალიან კარგი მაჩვენებელია. ეკრანში ჩაშენებულია მე-5 თაობის ოპტიკური […]
Facebook-მა კრემლის დაფინანსებული სამი გვერდი დაბლოკა
Facebook-ის ინფორმაციით, Soapbox-ი, Back Then-ი და Waste-Ed-ი დაიბლოკა. ამ სამი არხის დაბლოკვის მიზეზი კრემლის ფინანსებია. როგორც, CNN-ის რეპორტაჟის მიხედვით გაირკვა, კრემლი ამ არხებზე პროპაგანდისტული ვიდეობის გადაღებას აფინანსებს.როგორც რეპორტაჟში ჩანს, დაბლოკილი გვერდები გერმანულ კომპანია Maffick Media-ს ეკუთვნის, კომპანიის 51%-ის მფლობელი კი რუსული არხი RT-ია.
Youtube-ის როლი ბრტყელი დედამიწის მიმდევრობაში
ახალი კვლევის შედეგად დადგინდა, რომ Youtube-ზე გამოქვეყნებული ვიდეოები დიდ როლს თამაშობს ადამიანების დარწმუნებაში, რომ დედამიწა ბრტყელია.რამდენიმე ხნის წინ ბრტყელი დედამიწის კონფერენცია გაიმართა, რომელთა დამსწრეებმაც აღიარეს, რომ დეზინფორმაციის დიდ ნაწილს სწორედ youtube-ის მეშვეობით იღებენ. დროდადრო იზრდება იმ ადამიანთა რიცხვი, ვისაც სჯერა რომ დედამიწა ბრტყელია, მაგალითად, აშშ-ში 18-24 წლამდე ასაკობრივ ჯგუფში, მხოლოდ 66%-ია დარწმუნებული, რომ დედამიწა მრგვალია.
სკოლის მოსწავლეებისთვის პროგრამა Arduino იწყება
პროგრამა Arduino სკოლის მოსწავლეებისთვის იწყება. ეს თავისუფალი უნივერსიტეტისა და ედისონის ერთობლივი პროექტია, რომელიც სკოლის მოსწავლეებს შესაძლებლობას აძლევს Arduino-ს გამოყენებით შექმნან და დააპროგრამონ კომპლექსური ტიპის რობოტები და ჭკვიანი მოწყობილობები. პროგრამა განკუთვლინა 9-12 კლასის მოსწავლეებისთვის. სკოლის მოსწავლეები შეისწავლიან: ✔️კომპიუტერი და მიკროკონტროლერების მუშაობის პრინციპები;✔️Arduino და მისი დაპროგრამების საშუალებები;✔️პროგრამირების საფუძვლები (C++);✔️ელექტრონიკის საწყისები და ფიზიკა.დამატებითი ინფორმაციისთვის: https://www.facebook.com/events/638588636593190/