ქართულმა კრეატიულმა სააგენტო „რედბერიმ“ $3.2 მილიონის ინვესტიცია მოიზიდა – ამის შესახებ ციფრული მარკეტინგის სააგენტო საკუთარ Facebook გვერდზე წერს.
„მოზიდული ინვესტიცია სააგენტოს შესაძლებლობას მისცემს, არსებულ სერვისებს ახალი სერვისები დაუმატოს და მათი ეფექტური ინტეგრაციით ბაზარზე სრულიად უნიკალური შეთავაზება გააკეთოს – ინოვაცია, როგორც სერვისი. „რედბერიში“ შეიქმნება ციფრული ინოვაციების სრულყოფილი შიდა ეკოსისტემა, რაც აერთიანებს: კრეატიულ საკომუნიკაციო სერვისებს, ციფრული პროდუქტების დიზაინსა და დეველოპმენტს, კონტენტის ფროდაქშენს, ციფრულ გაყიდვებს, მედიადაგეგმარებასა და საკონსულტაციო სერვისებს“.
