Google ჰუავეის არაერთ აპლიკაციაზე წვდომას უზღუდავს

ამერიკის შეერთებული შტატების პრეზიდენტის, დონალდ ტრამპის დაწესებული სანქციების გამო კომპანია Google ჰუავეის არაერთ აპლიკაციაზე წვდომას უზღუდავს.
მაგალითად, ჰუავეის რამდენიმე მოდელის სმარტფონს არ ექნება ანდროიდის ოპერაციული სისტემის განახლების საშუალება, ასევე, ვერ გამოიყენებს Youtube-ის, Google Map-ის, Gmail-სა და სხვა სერვისების აპლიკაციებს.
ჩინური ტექნოლოგიური გიგანტი ჰუავეი ბოლო პერიოდში არაერთმა დასავლურმა სახელმწიფომ დაადანაშაულა ჩინეთის მთავრობასთან თანამშრომლობაში. როგორც სხვადასხვა საგამოძიებო სტრუქტურები ვარაუდობენ, ჰუავეი მომხმარებლის მონაცემებს უნებართვოდ, ჯაშუშური მიზნებისთვის აწვდის ჩინეთის მთავრობას.