Apple-მა შეაჩერა iPhone-ის წარმოება ინდოეთში, Foxconn-ის ქარხანაში პროტესტისა და მუშების საჩივრების გამო, იტყობინება Bloomberg.

Foxconn-ის საერთო საცხოვრებელში მუშები ჩიოდნენ საკვებისა და საცხოვრებელი პირობების შესახებ. დეკემბერში Foxconn-ის 150 თანამშრომელი კვებითი მოწამვლის გამო საავადმყოფოში გადაიყვანეს.

Apple-მა განაცხადა, რომ მან ქარხანაში გაგზავნა დამოუკიდებელი აუდიტორები, რომლებმაც დაადასტურეს, რომ სამუშაო პირობები არ შეესაბამება კომპანიის სტანდარტებს.

Foxconn-ის Sriperumbudur-ის ქარხანაში სურსათის უვნებლობისა და ცხოვრების პირობების შესახებ ბოლოდროინდელი შეშფოთების შემდეგ, ჩვენ გამოვაგზავნეთ დამოუკიდებელი აუდიტორები. ჩვენ აღმოვაჩინეთ, რომ ზოგიერთი ჰოსტელი და სასადილო არ შეესაბამება ჩვენს სტანდარტებს და ჩვენ ვმუშაობთ მომწოდებელთან, რათა უზრუნველვყოთ ყოვლისმომცველი მაკორექტირებელი ზომების სწრაფად მიღება.

Apple-მა ასევე დაამატა, რომ სანამ ქარხანა დახურულია, მუშები მიიღებენ ხელფასს და სასმელ წყალს.

Foxconn-ის წარმომადგენელმა თქვა, რომ კომპანია არა მხოლოდ აღმოფხვრის ყველა საჩივარს, არამედ გაათავისუფლებს ქარხნის ტოპ მენეჯერებს.

დაწესებულება განაახლებს მუშაობას მას შემდეგ, რაც სამუშაო პირობები Apple-ის სტანდარტებს დააკმაყოფილებს. ჯერჯერობით, გახსნის სავარაუდო თარიღი არ არის ცნობილი.

პასუხის გაცემა

შეიყვანეტ კომენტარის ტექსტი
შეიყვანეთ თქვენი სახელი