ქუთაისში პირველი საერთაშორისო ბიზნეს ფორუმი გაიხსნა

საერთაშორისო ფორუმი სახელწოდებით „ოქროს საწმისის ძიებაში“  ქუთაისში დღეს 3 მაისს გაიხსნა. ფორუმზე განიხილეს სახელმწიფოს, მთავრობის ჩართულობისა და ინვესტორთა თანამშრმლობი საკითხები. საქართველოს მთავრობის სხვადასხვა წარმომადგენლებთან ერთად ფორუმზე სიტყვით წარსდგა ინოვაციებისა და ტექნოლგიების სააგენტოს თავმჯდომარე ავთანდილ კასრაძე, რომელმაც ყურადღება საქართველოში ინვესტირების პოტენციალზე გაამახვილა.  ევროკავშირის ინიციატივის ფარგლებში, ქუთაისის მუნიციპალიტეტი პირველ საერთაშორისო ბიზნეს ფორუმს აწყობს იმერეთის რეგიონში, რომელიც მეწარმეებს ახალ შესაძლებლობებს და კონტაქტებს უხსნის ასეულობით ადგილობრივ და უცხოელ ინევსტორთან. ფორუმი სხვადასხვა ტიპის დისკუსიებს, სამუშაო ფორმატს და უშუალო შეხვედრებს გულისხმობს დაინტერესებულ მხარეებთან, რომელიც ადგილობრივი ბიზნესისა და ეკონომიკის მხარდაჭერისკენ არის მიმართული.