კომპანია ქვევრის მიერ შექმნილი 3D პრინტერით დაბეჭდილ ქვევრში ყურძენი ჩაიწურა. თანამედროვე ტექნოლოგიით შექმნილი ქვევრი ქართული თიხით გაკეთდა.
“ჩინებული დაკრეფილია ქართლში, რუსების მიერ ოკუპირებული ტერიტორიის სიახლოვეს, სოფელ ფლავისმანში. მაჭარი დუღს და შევხვდებით გაზაფხულზე ჩვენი პირველი 3D ღვინით.” – აღნიშნავენ კომპანიაში.

3D პრინტერი სამგანზომილებიანი საბეჭდი მანქანაა, რომელიც თითქმის 20 წელია რაც არსებობს და მას სხვადასხვა პროტოტიპის დასამზადებლად იყენებენ. ბეჭდვისას პრინტერი გაცხელებულ, ნახევრად თხევად ნივთიერებას დაზგაზე ფენებად ასხამს, ხოლო მოწყობილობის ღერძი მას სასურველი საგნის ფორმას აძლევს.