ამოქმედდა ბიზნეს-გეგმების მომზადების კომპონენტი
თბილისის ბიზნეს აქსელერატორმა აამოქმედა ბიზნეს-გეგმების მომზადების კომპონენტი. 21 მარტს ბიზნეს გეგმების დაწერის ამოქმედება ბენეფიციარებს თბილისის მერიის ეკონომიკური განვითარების საქალაქო სამსახურის უფროსმა, ანდრია ბასილაიამ და ბიზნეს საერთაშორისო საკონსულტაციო კომპანია ბიდიოს წარმომადგენლებმა გააცნეს.როგორც სპარკი წერს, ყოველთვიურად 5 საუკეთესო ბიზნეს იდეაზე ბიზნეს გეგმას კომპანია ბიდიო მოამზადებს.
26 მარტს გაიმართება საქართველოს ტექნოლოგიური ფესტივალი
26 მარტს, 10:00 სთ-დან 17:00 სთ-მდე ბიზნესისა და ტექნოლოგიების უნივერსიტეტში გაიმართება საქართველოს ტექნოლოგიური ფესტივალი. “ბიზნესისა და ტექნოლოგიების უნივერსიტეტის და საქართველოს ინოვაციებისა და ტექნოლოგიების სააგენტოს პარტნიორობის ფარგლებში, საქართველოს პირველი ტექნოლოგიური ფესტივალისთვის, მსოფლიოს მოწინავე ტექნოლოგიური ბრენდები, ტექ-სტარტაპერები და საქართველოს ლიდერი აიტი კომპანიები, ერთ სივრცეში, ტექნოლოგიების უახლესი ტრენდების გარშემო გაერთიანდებიან. ” – ვკითხულობთ ღონისძიების აღწერაში. ღონისძიებაზე დასწება თავისუფალია.
თბილისში “ციფრული ევოლუციის ფორუმი” გაიმართება
28 მარტს, სასტუმრო „თბილისი რუმსში“ Microsoft-ის ორგანიზებით ყოველწლიური მასშტაბური ღონისძიება – „ციფრული ევოლუციის ფორუმი” გაიმართება.ფორუმს გაუძღვება microsoft-ის რეგიონალური მენეჯერი, ხოლო ღონისძიებაში მონაწილეობას microsoft-ის რეგიონული ოფისების წარმომადგენლები, წამყვანი საერთაშორისო და ადგილობრივი პარტნიორები, ტექნიკური ექსპერტები და ბიზნესის წარმომადგენლები მიიღებენ.
დანადგარების ტრენინგები ფაბლაბში
ტექნოპარკის ფაბლაბის ტექნიკური გუნდი პროფესიული კოლეჯების ფაბლაბების კოორდინატორებს დანადგარების ტრენინგებს უტარებს. “შეგახსენებთ, რომ საქართველოში 24 ფაბლაბიდან 14 პროფესიული კოლეჯების ბაზაზეა შექმნილი. სასწავლებლების სტუდენტებს საშუალება აქვთ კოლეჯში მიღებული თეორიული ცოდნა გადაიტანონ პრაქტიკაში.” – წერს ფაბლაბ ტექნოპარკი.
Facebook Messanger-ს ახალი ფუნქცია დაემატა
Facebook Messanger-ს ახალი ფუნქცია დაემატა, რაც გულისხმობს თითოეულ შეტყობინებაზე პასუხის გაცემას, ანუ ე.წ. replay-ს. ეს ფუნქცია კომუნიკაციას უფრო მეტად გაადვილებს, განსაკუთრებით კი მაშინ, როდესაც ჩათში რამდენიმე ადამიანს ერთად აქვს მიმოწერა. ამ ფუნქციის გამოსაყენებლად საჭიროა მხოლოდ იმ შეტყობინებას დიდი ხანი დააჭიროთ ხელი, რომელზე პასუხის გაცემაც გსურთ. Replay-ის ფუნქცია, ასევე, დიდი ხანია აქვს WhatsApp-ს.
ტრეინინგი ,,საგამომგონებლო ამოცანების ამოხსნის თეორია’’ დასრულდა
ფაბლაბ ტექნოპარკში ტრეინინგი ,,საგამომგონებლო ამოცანების ამოხსნის თეორია’’ დასრულდა. ტრეინინგზე დიმიტრი დეკანოზიშვილმა, კოტე ხოფერიამ და ნიკოლოზ ბაძაღუამ ინოვაციური აზროვნებისა და საგამომგონებლო უნარების განვითარება ისაუბრეს. კურსის ფარგლებში შეიქმნა ორი პატენტუნარიანი გამოგონება და ერთი სტარტაპი. ფაბლაბი არის უნიკალური სივრცე ნებისმიერი მოქალაქისათვის, რომელსაც აქვს იდეა და სურს მისი განხორციელება ან სტარტაპ ბიზნესად ჩამოყალიბება.
ფაბლაბის სტარტაპი კოსმო ჰონგ-კონგში წარსდგა გამოფენაზე
ფაბლაბის ერთ-ერთი წარმატებული სტარტაპია კოსმო. კოსმო ჰონგ-კონგში ტყავის და ტყავის პროდუქციის საერთაშორისო გამოფენაზე წარსდგა საკუთარი პროდუქციით, ამჟამად კი უკვე მოლაპარაკებებს მსხვილ საერთაშორისო კომპანიებთან აწარმოებს. სტარტაპს საერთაშორისო გამოფენაზე წარდგენილი ჰქონდა კოლექცია, რომელიც აერთიანებდა ქართულ ეთნიკურ დიზაინსა და თანამედროვე სტილს.
ტექნოპარკს ბელარუსის დელეგაცია ესტუმრა
ინოვაციების და ტექნოლოგიების სააგენტოს ტექნოპარკს ბელარუსის დელეგაცია ესტუმრა. დელეგაციის წევრებმა დაათვალიერეს ტექნოპარკის სივრცე და მიიღეს ყველა სახის ინფორმაცია სააგენტოს მიმდინარე პროგრამებისა და პროექტების შესახებ. დელეგაციას ინოვაციების სააგენტოს თავმჯდომარემ ავთანდილ კასრაძემ და მისმა მოადგილემ მარიამ ლაშხმა უმასპინძლეს. “ვიზიტის ფარგლებში მხარეებმა განიხილეს სხვადასხვა მიმართულებები რაც მოიცავდა: საკანონმდებლო მიმართულებით გამოცდილების გაზიარებას, მაღალტექნოლოგიური IT კომპანიების საქართველოში შემოსვლის საკითხსა და […]
Youtube-ის არხი 250 მლნ ნახვით და ძალადობაში ბრალდებული მშობელი
youtube-ს არხს სახელწოდებით “ფანტასტიკური თავგადასავლები” 800 000 გამომწერი და, ჯამში, 250 მლნ ნახვა ჰქონდა. არხის შემქმნელს CNN-ის ცნობით, ბავშვებზე ფიზიკურ ძალადობაში ადანაშაულებენ. როგორც გამოცემა წერს, მშობელი ბავშვებს წიწაკის სპრეის ასხამდა, არ აჭმევდა, ყინულიან აბაზანაში ყოფნას აიძულებდა და სხვა სახის ძალადობას მიმართავდა, თუ რომელიმე მათგანი ვიდეოში მონაწილეობაზე იტყოდა უარს. ამჟამად მშობელი დაკავებულია და განაჩენს ელოდება.
Facebook-ის მორიგი სკანდალი
Facebook-ის აღიარებით, სოციალური ქსელის მომხმარებლების ასობით მილიონი პაროლი კარგად დაცული არ იყო. როგორც ირკვევა, Facebook-ის თანამშრომლებს მილიონობით ადამიანის პაროლებზე წვდომა ჰქონდათ. კომპანია აცხადებს, რომ ხარვეზი იანვარში აღმოაჩინეს ერთ-ერთი რუტინული შემოწმების დროს. პაროლების დაშიფვრა კიბერუსაფრთხოების სფეროში ერთ-ერთი უმთავრესია, როგორც აღმოჩნდა, Facebook-ი ამას არ იყენებდა.