თელავში “სამეცნიერო პიკნიკი” მოეწყო

თელავში, ისტორიული მუზეუმის ეზოში, ,,მეცნიერებისა და ინოვაციების ფესტივალი – 2019“-ის ფარგლებში, ,,სამეცნიერო პიკნიკი” გაიმართა. სპეციალურად მოწყობილ სივრცეებში წარმოდგენილი იყო სახალისო ქიმიური ექსპერიმენტები და ვიქტორინები სხვადასხვა ასაკის მოსწავლეთათვის.

ფესტივალში მონაწილეობდნენ: იაკობ გოგებაშვილის სახელობის თელავის სახელმწიფო უნივერსიტეტი, ასევე, საქართველოს სხვა წამყვანი უნივერსიტეტები, ივანე ბერიტაშვილის სახელობის ექსპერიმენტული ბიომედიცინის ცენტრი, მულტიდისციპლინური კვლევების სამეცნიერო სკოლა, ,,აიტი სტეპ აკადემია“, საქპატენტი და სხვა ორგანიზაციები.