იაპონიაში შექმნეს საჭმელი ჯოხები, რომლებიც საკვებს უფრო მარილიანსა და გემრიელს ხდის

საშუალოდ ერთი იაპონელი დღეში 10 გრამზე მეტ მარილს მოიხმარს, რაც რეკომენდებულ რაოდენობას რამდენჯერმე აღემატება. ასე რომ, იაპონიის მეიჯის უნივერსიტეტის მეცნიერებმა საკვებისა და სასმელების კომპანია Kirin Holdings-თან ერთად შეიმუშავეს სპეციალური ჯოხები, რომლებიც ცვლის საკვების გემოს მარილის გამოყენების გარეშე.

საიდუმლო იმაში მდგომარეობს, რომ ჯოხები საკვებში აგზავნიან სუსტ ელექტრულ იმპულსს, რაც გავლენას ახდენს მარილიან გემოზე პასუხისმგებელ ნატრიუმის ქლორიდის იონებზე, აძლიერებს მას და ასევე მოქმედებს საკვებში მონონატრიუმის გლუტამატის იონებზე. ამრიგად, საკვები ხდება არა მხოლოდ მარილიანი, არამედ გემრიელიც, რადგან მონოსტრიუმის გლუტამატი აუმჯობესებს კერძის გემოს.

„ჯადოსნური“ ჯოხების შემქმნელები აღნიშნავენ, რომ მოწყობილობაში არსებული დენი ძალიან სუსტია და სრულიად უსაფრთხოა ადამიანის ორგანიზმისთვის.