რობოტმა სოფიამ ჰონგ კონგელ ილუსტრატორ სოფია ჰოთუნგთან ერთად NFT კოლექცია შექმნა. კოლექცია Sothebys-ის და Digital Art Fair Asia-სთან კოლაბორაციით, ქალთა ფონდის (The Women’s Foundation) მხარდასაჭერად შეიქმნა. ერთ-ერთი NFT – “$OPH” ექსკლუზიურად გაიყიდება Sotheby’s აუქციონზე, რომელიც 20-27 ოქტომბრის შუალედში შედგება. ნამუშევარი შექმნილია ჰონგ კონგის $2 მონეტის მიხედვით, ამოშვერილი კიდეებით.
აღსანიშნავია, რომ ხელოვნურ ინტელექტსა და ადამიანს შორის შემოქმედებითი პროცესი წარმატებით განხორციელდა. ნამუშევარი “$OPH” ილუსტრატორმა სოფია ჰოტუნგმა შექმნა, ხოლო რობოტმა სოფიამ ალგორითმების, ნეირონული ქსელების და ხელოვნური ინტელექტის კომბინაციით მას სრული სახე მიანიჭა.
კოლექცია სამი NFT-სგან შედგება, რომელიც მიზნად ისახავს წაახალისოს მრავალფეროვნება და ინკლუზიურობა ტექნიკურ და კრიპტო ინდუსტრიაში. ასევე ხელს უწყობს გენდერულ თანასწორობას ტექნოლოგიების მეშვეობით. გამოფენა, სადაც NFT კოლექცია იქნება წარმოდგენილი 20 ოქტომბრიდან 6 ნოემბერამდე გაიმართება.
We’re excited to announce our participation at the upcoming @digitalartfair! Here's what you can expect: A HK themed, AI x Human art collab in support of TWF, neon lights, selfie opportunities, and a gender equal future! Get your tickets here: https://t.co/V3h97UexUj pic.twitter.com/pOYFifd22S
— The Women's Foundation 婦女基金會 (@TWFHK) October 19, 2022
რობოტი სოფია მსოფლიოში ერთ-ერთი ყველაზე პოპულარული რობოტია. მისი აქტივაცია 2016 წლის თებერვალში მოხდა, ხოლო 2017 წლის ოქტომბერში საუდის არაბეთის მოქალაქეობაც კი მიანიჭეს. აღსანიშნავია, რომ განვითარებული ჰუმანოიდი რობოტი ქალთა უფლებების დაცვის მხრივ საკმაოდ აქტიურია.
