კომპანია Google-მა ჟურნალისტებს გაუგზავნა სპეციალური შეხვედრის მოსაწვევი. შეხვედრა გაიმართება 18 აპრილს და წარმოდგენილი იქნება Google-ის პოპულარული სერვისის, Google Earth-ის ახალი ვერსია. აშკარაა, რომ Google მორიგი განახლების ან ინტერფეისში ცვლილებების შეტანის შესახებ შეხვედრას არ გამართავდა. ეს ნიშნავს, რომ სერვისის მუშაობაში გლობალურ ცვლილებებს უნდა ველოდოთ. აღსანიშნავია, რომ შეხვერდა იმართება დედამიწის დღის დღესასწაულამდე ოთხი დღით ადრე.
შეგახსნებთ, რომ სერვისი Google Earth საშუალებას იძლევა დავათვალიეროთ კოსმოსიდან გადაღებული დედამიწის დეტალიზებული სურათები. სერვისი გაეშვა 2001 წელს კომპანია Keyhole-ის მიერ და სერვისის პირვანდელი სახელი იყო EarthViewer 3D. 2004 წელს Google-მა შეიძინა Keyhole და EarthViewer 3D. ერთი წლის შემდეგ კი სერვისს სახელი შეეცვალა და დაერქვა Google Earth. მას შემდეგ Google-მა დაამატა მთელი რიგი ახალი ფუნქციები, მაგალითად მზის სისტემის დათვალიერების საშუალება, მოახდინა Street View-ს ინტეგრაცია Google Maps-ში.
