Xiaomi თვლის,რ ომ სმარტფონების მომავალი ეკრანია, რომელიც სმარტფონს მთლიანად ევლება გარშემო. კომპანიამ Mi Mix Alpha-ს ანონსი გააკეთა, რომლის ეკრანის ნაპირები სმარტფონს გარს აკრავს და მისი ზედაპირის 180.6% უკავია.

https://www.youtube.com/watch?v=n-I4W9oTH2M

Mi Mix Alpha აღჭურვილია Snapdragon 855 ჩიპით, 12 გიგაბაიტი ოპერატიული მეხსიერებით, 512 გიგაბაიტი – UFS 3.0 შიდა მეხსიერებით და 4050 მა/სთ აკუმლატორით, რომელიც 40W სწრაფად იმუხტება.

Xiaomi მაბობბს, რომ AI-სა და სპეციალური სენსორების საშუალებით ეკრანის გვერდითა მხარეს შემთხვევითი შეხება გამოირიცხება. სპეციალური ჰაპტიკური მოტორები ვირტუალური ხმის აწევ-დაწევის ღილაკებზე შეხების იმიტაციას ახდეს. სმარტფონის ნაპირებზე შეტყობინებები და სტატუსის ხატულები გამოისახება.

მოწყობილობის უკან მოთავსებულ ზოლში განთავსებულია კამერა, ის კერამიკისაა და საფირონის დამცავი შუშა აქვს. მოწყობილობის ჩარჩო ტიტანისგანაა შექმნილი.

Xiaomi-მ განაცხადა, რომ Mi Mix Alpha ლიმიტირებული ტირაჟით გამოვა და “ფანატებისთვისაა” შექმნილი, რომლებიც დაახლოებით 2 800 $ გადახდასაც კი არ შეუშინდებიან.

დამატებითი ინფორმაცია სიახლის შესახებ ეტაპობრივად გავრცელდება, თუმცა ერთი რამ აშკარაა, ის ახლ ყველაზე ორიგინალური და ყველაზე ინოვაციური დიზაინის მქონე მოწყობილობაა ბაზარზე.

პასუხის გაცემა

Please enter your comment!
Please enter your name here