Build 2017-მდე ერთ კვირაზე ოდნავ მეტია დარჩენილი სადაც, როგორც მოსალოდნელია Microsoft ახალი ტიპის Windows 10-ზე მოგვითხრობს, რომელიც ღრუბლოვან სერვისებზეა გათვლილი. Windows 10 Cloud უნდა გახდეს Chrome OS-ის მთავარი კონკურენტი და დაიპყროს საგანმანათლებლო ბაზარი შედეარებით ნაკლები სისტემური მოთხოვნების წყალობით. Windows Centrals-ის ინფორმაციით მათ წინასწარ შეიტყვეს Windows 10 Cloud-ის ტექნიკური მოთხოვნების შესახებ, რომლებიც Chrome OS-თან არის შედარებული.

გამოქვეყნებული გამოსახულების თანახმად კომპიუტერები, რომლებზეც Windows 10 Cloud იქნება დაყენებული 20 წამში ჩაიტვირთება, ხოლო ავტონომიური მუშაობის დრო 10 საათზე მეტი იქნება რაც მთელი დღე რეალური მოხმარების ტოლფასია. მიუხედავად ამისა Chrome OS ჩატვირთვის სიჩქარით მაინც ჯობია Windows 10 Cloud-ს.

რაც შეეხება ტექნიკურ მოთხოვნებს, Windows 10 Cloud-ის მუშობისთვის ოთხ-ბირთვიანი Celeron ან უკეთესი პროცესორია საჭირო და ასევე მინიმუმ 4 გიგაბაიტი ოპერატიურლი მეხსიერება. 32 გიგაბაიტი შიდა eMMC ან SSD მეხსიერება (64 გიგაბაიტი, 64 ბიტიანი ვერსიის შემთხვევაში) მინიმუმ 40 ვატი სიმძლავრის მქონე აკუმლატორი და ოფციონალური სენსორული ეკრანის და სტილუსის მხარდაჭერა.

Build 2017 კონფერენცია 2 მაისს დაიწყება, სადაც Microsoft წარმოადგენს არც ისე ძვირადღირებულ ნოუთბუქს ან პლანშეტს Surface ხაზიდან, რომელიც Windows 10 Cloud-ით იმართება.

პასუხის გაცემა

Please enter your comment!
Please enter your name here