2020 წლის 14 მაისს Facebook-მა ჯგუფური ვიდეოზარების სერვისი Messenger Rooms გაუშვა. მარკ ცუკერბერგმა საკუთარ გვერდზე ამის შესახებ დაპოსტა, სადაც ამბობს, რომ ეს სერვისი უკვე ხელმისაწვდომია ა.შ.შ-ში, მექსიკასა და კანადაში, ხოლო სხვა დანარჩენი ქვეყნები მომდევნო კვირიდან შეძლებენ სერვისით სარგებლობას. Messenger Rooms არის უფასო სერვისი და მისი საშუალებით შესაძლებელია 50-მდე მომხმარებლის ერთდროული ჩართვა დროის ლიმიტის გარეშე.
Messenger Rooms-ის მომხმარებლები შეძლებენ ცალკეული ჯგუფების შექმნას ვიდეო ზარებისათვის Facebook-ის და Messenger-ის საშუალებით, ხოლო ძალიან მალე იქ Instagram Direct, Whatsapp და Portal დაემატება. Facebook-მა დააზუსტა, რომ კომპანია არ უსმენს და არ ადევნებს თვალყურს მომხმარებლების კომუნიკაციას ამ სერვისის საშუალებით.
ცუკერბერგმა აღნიშნა, რომ სერვისი არ არის Zoom-ის ალტერნატივა და პირველ რიგში გართობასა და ურთიერთობას ამარტივებს მომხმარებლებისთვის. Messenger Rooms-ში არ არის საჭირო შეხვედრის დროის მითითება და კონფერენციების გაშვება ნებისმიერ დროს არის შესაძლებელი.
