მაიკროსოფტმა გამოუშვა ახალი კროს-პლატფორმული Microsoft Defender აპი, რომელიც განკუთვნილია ფიზიკური პირებისთვის. აპლიკაცია გამარტივებული მართვის პანელია, რომელსაც შეუძლია დაინსტალირებულ ანტივირუსულ პროგრამასთან დაკავშირება და ის ასევე უზრუნველყოფს მომხმარებლებს მოწყობილობის დამატებით დაცვას.

დღეიდან Microsoft 365 პერსონალურ და საოჯახო აბონენტებს შეუძლიათ ისარგებლონ Microsoft Defender-ით თავიანთ Windows, macOS, iOS ან Android მოწყობილობებზე. აღსანიშნავია, რომ აპლიკაციის მახასიათებლების ნაკრები განსხვავდება პლატფორმის მიხედვით. მაგალითად, iOS და iPadOS ვერსია არ შეიცავს ანტივირუსულ დაცვას, მაგრამ მომხმარებლებს სთავაზობს დაცვას ვებ ფიშინგისგან.

Android-ის ვერსიას გააჩნია ჩაშენებული ანტივირუსი, შეუძლია სისტემის სკანირება მავნე აპებისთვის და შეამოწმოს ბმულები ფიშინგის შეტევებისგან დასაცავად. Windows-ზე კი აპი უფრო საინფორმაციო დაფაა და არ ცდილობს შეცვალოს წინასწარ დაინსტალირებული Windows Security აპი. Microsoft Defender-ით შეგიძლიათ ნახოთ მონაცემები მესამე მხარის ანტივირუსებიდან, ასევე მართოთ უსაფრთხოების სისტემა სხვა დაკავშირებულ მოწყობილობებზე.

პასუხის გაცემა

შეიყვანეტ კომენტარის ტექსტი
შეიყვანეთ თქვენი სახელი