პაშა ბანკმა ინტერნეტ და მობაილბანკი განაახლა, ხოლო განახლებული მომსახურებით სარგებლობას როგორც ფიზიკური პირები, ისე მსხვილი, საშუალო და მცირე საწარმოები შეძლებენ.
პაშა ბანკის განახლებული ინტერნეტბანკი ხელმისაწვდომია 24 საათის განმავლობაში, როგორც სამუშაო, ისე უქმე დღეებში.
„ჩვენ მუდამ ვცდილობთ სერვისის გაუმჯობესებას. სწორედ ამიტომ, მივიღეთ გადაწყვეტილება, რომ გაგვეახლებინა ჩვენი ინტერნეტ და მობაილ ბანკი. ჩვენთვის მნიშვნელოვანია, რომ კლიენტებს შევთავაზოთ თანამედროვე და მოქნილი საბანკო სერვისები. იმედი გვაქვს, სიახლეებით კმაყოფილი დარჩებიან.“ – გოგა ჯაფარიძე, პაშა ბანკის კომერციული დირექტორი.
